На 29 септември 2018 година, во рамки на манифестацијата „Денови на оризот“ во општина Кочани, и официјално започна со работа туристичкиот информативен центар „Пониква“.

Главната цел на туристичкиот информативен центар е да нуди што поголема достапност на информации за локалитетот и за Спортско-рекреативниот центар „Пониква“, но и да промовира зачувана и унапредена животна средина, одржливо користење на енергијата, развој на различни видови туризам, како и да ги зајакнува институционалните и човечките капацитети за развој на туризмот во целиот Источен регион.

На 13 септември 2018 година во Туристичкиот инфо центар „Пониква“ се одржа работилница на тема „Креирање визија за Осогово – идно заштитено подрачје“. Работилницата беше реализирана во соработка со Македонското еколошко друштво, во рамки на Програмата за зачувување на природата во Македонија поддржана од Швајцарската Конфедерација.

На 10 септември 2018 година во просториите на Бирото за регионален развој беше потпишан Договор за реализација на проекти за развој на планските региони. Договорот се однесува за реализација на вториот проект за кој на Центарот за развој на Источен плански регион му беа одобрени средства за финансирање преку Програмата за рамномерен регионален развој, а кој ќе се изведува во Општина Делчево.