Ревизија на програмите
Започна процесот за подготовка на
Програмите за развој на планските региони
2015-2019 година
Министерството за локална самоуправа со подршка на ГИЗ РЕД Програмата за Р. Македонија започна со процесот на подготовка на Програмите за развој на планските региони 2015-2019 година.
Првата работилница за ревизија и подготовка на Програмите на планските региони се одржа на 19 август 2014 година , во Скопје на која присуствуваа раководителите на 8-те (осум) Центри за развој на планските региони во Р.Македонија и вработените во Центрите одговорни да го координираат процесот на ревизија/подготовка на Програмите , претставници од Министерството за локална самоуправа, Бирото за регионален развој, ГИЗ РЕД Програмата и назначените експерти вклучени во процесот на изработка.
На 10 јули 2014 година, во деловните простории на ФАРМАХЕМ во Скопје се одржа Прв Работен Состанок со експертскиот тим на друштвото ИДЕЈА О.К. Скопје за отпочнување со изработка на “Стратегија за развој на туризмот во Источниот плански регион со Акционен план (2015-2024)”.
На 10 Јули 2014 година на летната сцена на градскиот плоштад во Пехчево, започна четвртото издание на Фестивалот на дувачки оркестри Пехчево 2014. Програма на сцената на градскиот плоштад ја отворија мажоретките од Благоевград и Симитли Р.Бугарија, а со својата изведба ја развеселија публиката ансамблот Танец и КУД ,,Јане Сандански’’ од Пехчево, минатогодишниот победник на фестивалот во Пехчево Уска Кан и оркестарот од Сурдулица Р.Србија, како и настапот на фолк ѕвездите Анета и гр. Молика.